Azərbaycan Dövlət Pedaqoji Universitetinin (ADPU) Filologiya fakültəsinin professoru, filologiya elmləri doktoru Kamil Bəşirov vəfat edib.
Bu barədə sosial şəbəkələrdə məlumat yayılıb.
Bildirilib ki, professor Kamil Bəşirov 68 yaşında uzun sürən xəstəlikdən sonra dünyasını dəyişib.
Qeyd edək ki, Kamil Bəşirov 1955-ci ildə Yevlax rayonunda anadan olub. 1975-ci ildə Azərbaycan Pedaqoji İnstitutunun (APİ) Filologiya fakültəsini bitirib. 1982-ci ildən APİ-nin (indiki ADPU) iki nömrəli korpusunda tədris üzrə dispetçer, 1990-cı ildən laborant, müəllim, baş müəllim, dosent vəzifələrini tutub. Yeddi kitabın, 100-dən artıq elmi məqalənin müəllifi olub.
Xeberal.az
