“Yol gedirdim. Qızım dedi ki, Xocalı alınıb. Dedim, ola bilməz. Ordumuzun Xocalıda olduğunu əks etdirən şəkli göstərdi. Dondum, nə ağlaya, nə də gülə bildim, heykələ döndüm”.
Bunu Baku TV-də yayımlanan “Arzunun vaxtı” verilişində Xocalı faciəsinin şahidi Dürdanə Ağayeva deyib.
Səkkiz gün erməni zülmünə məruz qalan D.Ağayeva 4 ildir xərçəng xəstəliyindən əziyyət çəkir.
“Əsirlikdə fikirləşirdim ki, kaş uzun saçlarım olmayaydı. Saçlarımdan tutub çox dartdılar, sürüdülər. Amma indi o saçların həsrətini çəkirəm”, – deyə o söyləyib.
Xocalıya gedərkən ilk edəcəklərindən danışan faciə şahidi qeyd edib ki, ermənilərin onu zəncirlə döydüyü evi də ziyarət edəcək.
Ətraflı videonu təqdim edirik:
Xeberal.az
