Lənkəran sakini bədbəxt hadisə nəticəsində ölüb.
“Report”un cənub bürosunun məlumatına görə, hadisə rayonun Nərimanabad qəsəbəsində baş verib. Belə ki, 1988-ci il təvəllüdlü qəsəbə sakini Elvin Taryel oğlu Əliyev ehtiyatsız davranıb və su çəni onun üstünə aşıb. Yaxınları onu xəstəxanaya çatdırmaq istəsələr də, E.Əliyev yolda ölüb.
Meyit daxili və xarici müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran Rayon Şöbəsinə təhvil verilib.
Faktla bağlı araşdırma aparılır.
Xeberal.az
