Bakı-Pirşağı-Sumqayıt sürət elektrik qatarı “Nəriman Nərimanov” dəmiryol stansiyasından keçir. Lakin stansiya işlək vəziyyətdə olmadığından qatar burada dayanmır.
Son günlərdə bu stansiyanın açılması ilə bağlı Lent.az-ın redaksiyasına çoxsaylı müraciət daxil olub.
Maraqlıdır, görəsən, “Nəriman Nərimanov” dəmiryol stansiyası nə vaxt fəaliyyətə başlayacaq?
Məsələ ilə bağlı ”Azərbaycan Dəmir Yolları” QSC-dən bildirilib ki, hazırda Abşeron dairəvi dəmir yolu xətti üzrə potensial sərnişin tələbatı daha çox olan yerlərdə qatarlara dayanacaq verilir:
“Gələcəkdə “Nəriman Nərimanov” stansiyası istiqamətində sərnişin tələbatı artarsa, sərnişindaşıma fəaliyyətinin bərpası üçün platforma və infrastruktur obyektlərinin tikilərək istifadəyə verilməsi nəzərdən keçirilə bilər”.
Xeberal.az
