“Qida məhsullarının təhlükəsizliyi ilə bağlı məsələdə güzəşt olmamalıdır. Qida təhlükəsiz və keyfiyyətli olmalıdır. Çünki təhlükəli qida milyonlarla insanın sağlamlığına təsir edir”.
“Report” xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı “Avropa və Mərkəzi Asiyada qida standartlarının təkmilləşdirilməsi və kodeksin fəaliyyətində iştirakın genişləndirilməsi” mövzusunda keçirilən beynəlxalq tədbirdə çıxışı zamanı deyib.
ÜST rəsmisi bildirib ki, innovasiyalara uyğunlaşma təmin edilməlidir:
“İnnovasiya və təhlükəsizlik arasındakı əlaqə düzgün qurulmalıdır. Vahid səhiyyə sağlamlıq konsepsiyası ərsəyə gətirilməlidir. İşimiz, sadəcə, qanunvericiliyin qəbulu ilə kifayətlənmir. Qida təhlükəsizliyi sahəsində davamlı və dayanıqlı tədbirləri həyata keçirməliyik”.
Xeberal.az
