2011-ci il təvəllüdlü Zülfiyyə Nicat qızı Rüstəmli ağır yanıq xəsarətləri alıb.
Bu barədə Oxu.Az-a anası Şamama Rüstəmova məlumat verib.
O qeyd edib ki, hadisə ehtiyatsızlıqdan baş verib:
“Biz Ağdamda yaşayırıq. Hadisə 15 may tarixində baş verib. Belə ki, qızım Zülfiyyə süfrədəki içi qaynar su dolu çaydanın yanından keçərkən toxunaraq üzərinə dağıdıb. Biz bir neçə müddət Ağdamda müalicə alsaq da xeyri olmadı və Bakıya göndərildik. Daha sonra Bakıda xəstəxanalardan birində müalicə aldıq. 15 gün reanimasiyada qalıb qızım. Bir dəfə əməliyyat olunub. İmkanımız olmadığı üçün borc alıb əməliyyat və müalicələri etməyə çalışmışıq. Borca görə döymədiyim qapı qalmayıb. Yardımsevər insanların dəstəyi ilə qızımın müalicəsi üçün lazım olan 2000 manat puldan 1200-ü toplandı. Lakin həmin pul xəstəxana xərclərimizi tamamilə ödəməyə bizə bəs etmədi. Ona görə dünən səhər ərizə yazaraq öz istəyimizlə xəstəxanadan ayrıldıq. İndi yenidən Ağdama qayıtmışıq. Artıq elə vəziyyətə çatmışıq ki, bir dərman belə almağa pulumuz yoxdur. Həkim yazdığı dərmanları ala bilmədiyimizə görə qızımın vəziyyəti günü-gündən pisləşir. Yoldaşım fəhlə işləyir. Mən də alağa gedərək ona dəstək oluram. İmkanı olan şəxslərdən bizə kömək olmalarını xahiş edirəm. Qızımın müalicəsi üçün bizə 800 manat lazımdır”.
Əlaqə nömrəsi: (050) 899-29-97 (Şamama Rüstəmova)
Xeberal.az
