Lənkəranda boğulma təhlükəsi ilə üzləşən iki nəfər xilas edilib.
“Report”un məlumatına görə, hər iki şəxs Biləsuvar rayonundandır.
Belə ki, Lənkəran rayonunun Sütəmurdov kəndi ərazisində dənizdə iki nəfərin batması ilə bağlı təcili tibbi yardım və Fövqəladə Hallar Nazirliyinin (FHN) xilasetmə xidmətinə məlumat verilib.
Xilas edilənlərdən biri 13 yaşlı yeniyetmə, Biləsuvar rayon sakini, 2010-cu il təvəllüdlü Arzu Rüstəmova və həmyerlisi 1984-cü il təvəllüdlü Rahilə Hüseynovaya ilkin tibbi yardım göstərilib.
Lənkəran Rayon Mərkəzi Xəstəxanasına çatdırılan hər iki şəxs reanimasiya şöbəsinə yerləşdiriliblər.
Xeberal.az
