Xaçmaz rayonunda ağır yol-nəqliyyat hadisəsi baş verib.
“Report”un məlumatına görə, hadisə rayonun Müqtədir kəndində qeydə alınıb.
Belə ki, “Mercedes” markalı minik avtomobilinin motosikletə çırpılması nəticəsində sonuncunun sürücüsü, rayon sakini 1989-cu il təvəllüdlü Turac Həsrətulla oğlu Qaibxanov aldığı xəsarətlərdən yerindəcə ölüb.
Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Faktla bağlı araşdırma aparılır.
Xeberal.az
