Yasamal rayonunda kütləvi dava edənlərin kimliyi müəyyən olunub.
Bu barədə Oxu.Az-ın sorğusuna cavab olaraq Daxili İşlər Nazirliyinin Mətbuat Xidmətindən bildirilib.
Qeyd edilib ki, dava edənlər sürücü olublar:
“Həmin sürücülərin şəxsiyyəti müəyyən edilib. Barələrində inzibati protokol tərtib edilib və cərimələniblər”.
Oxu.Az-ın əldə etdiyi məlumata görə, rayonun Əsəd Əhmədov küçəsi 41 ünvanında iki maşın qarşı-qarşı gəlib. Sürücülər bir-birindən yolu keçmək üçün şərait yaradılmasını tələb ediblər. Nəticədə mübahisə baş verib və orada dava düşüb.
14:40
Daxili İşlər Nazirliyi Yasamal rayonunda baş verən kütləvi dava ilə bağlı yayılan görüntülərə münasibət bildirib.
DİN-in Mətbuat Xidmətindən Oxu.Az-ın sorğusuna cavab olaraq bildirilib ki, hadisə ilə bağlı Yasamal Rayon Polis İdarəsinin 29-cu polis şöbəsinə şikayət və ya müraciət daxil olmayıb:
“Hazırda sosial şəbəkədə yayılan videogörüntülərlə bağlı şöbənin əməkdaşları tərəfindən araşdırmalar başlanılıb”.
Qeyd edək ki, kütləvi dava rayonun Əsəd Əhmədov küçəsi 41 ünvanında qeydə alınıb.
11:20
Yasamal rayonunda kütləvi dava baş verib.
Oxu.Az-ın məlumatına görə, hadisə Əsəd Əhmədov küçəsi 41-də qeydə alınıb.
Belə ki, bir qrup şəxs əlbəyaxa davaya çıxıb.
Xəsarət alanların olub-olmadığı məlum deyil.
Xeberal.az
