Mayın 12-də, axşam saatlarında Ermənistan silahlı qüvvələrinin təxribatı nəticəsində şəhid olan Azərbaycan Ordusunun hərbi qulluqçusu Məhəmməd Mahir oğlu Qarayev dəfn olunub.
Oxu.Az-ın məlumatına görə, o, Qəbələ şəhərində torpağa tapşırılıb.
Dəfn mərasimində qəhrəmanımızın döyüş yoldaşları, qohumları və ictimaiyyət nümayəndələri iştirak ediblər.
14:20
Mayın 12-də, axşam saatlarında Ermənistan silahlı qüvvələrinin təxribatı nəticəsində şəhid olan Azərbaycan Ordusunun hərbi qulluqçusu Məhəmməd Mahir oğlu Qarayevin nəşi doğulduğu Qəbələ şəhərində yaşayan ailəsinə təhvil verilib.
Oxu.Az-ın məlumatına görə, hazırda şəhidimizlə vida mərasimi keçirilib.
Vida mərasimində şəhidin döyüş yoldaşları, Müdafiə Nazirliyinin əməkdaşları, hüquq-mühafizə orqanlarının və ictimaiyyət nümayəndələri iştirak ediblər.
08:45
Mayın 12-də, axşam saatlarında Ermənistan silahlı qüvvələrinin təxribatı nəticəsində şəhid olan Azərbaycan Ordusunun hərbi qulluqçusu Məhəmməd Mahir oğlu Qarayev Qəbələ şəhərinin sakini olub.
“Report”un Şimal-qərb bürosunun məlumatına görə, o bu gün Qəbələ şəhərində dəfn olunacaq.
2001-ci il təvəllüdlü Məhəmməd Qarayev evin tək oğlu olub.
İlhamə Əbülfət
Xeberal.az