“Dünyada insanların 64 faizi yaşlanma səbəbindən dünyasını dəyişib”.
Oxu.Az xəbər verir ki, bunu “Viva La Vida” uzunömürlülük üzrə ilk beynəlxalq konqresdə gen terapiyası üzrə şirkətin təsisçisi və baş icraçı direktoru Liz Periş deyib.
Onun sözlərinə görə, 15-ə yaxın gen terapiyası mövcuddur:
“Gen terapiyasında dərmanlara ehtiyac yoxdur. Dərmanların ziyanlı tərəfləri ola bilər. 10 ildən çoxdur ki, gen terapiyasını həyata keçiririk”.
L.Periş gen terapiyası ilə xərçəng xəstəliyinin müalicəsinin aparıldığını qeyd edib:
“Gen terapiyası ilə ömür uzadılır, yaşlanmanın qarşısı alınır. Gənclərə də tətbiq edilir”.
Nəzrin Vahid
Xeberal.az
