5 yaşlı Ümid ağır kombinə olunmuş immun çatışmazlığından əziyyət çəkir. İlkin müalicə olaraq uşağa hər 21 gündən bir “Panziq” preparatının venadaxili yeridilməsi həyati əhəmiyyət kəsb edir, onun bir dozası 1200 manatdır. Ailə bu qədər bahalı müalicəni ödəyə bilmir və hər dəfə insanlara müraciət etmək məcburiyyətində qalır.
Media.Az artıq onun problemindən yazıb. Beş yaşlı Ümidin anası, Kürdəmir sakini Lyudmila Şahbazova yenidən redaksiyaya müraciət edib.
O, oğlunun Bakıya gələn türkiyəli həkimin müayinəsindən keçdiyini deyib. Uşağa çox nadir rast gəlinən immun çatışmazlığı xəstəliyi – “Pilarovski-Byernsson” sindromu diaqnozu qoyulub – bu sindrom bütün dünyada cəmi 7 nəfərdə müəyyən edilib.
Həkim bu xəstəliyin müalicəsinin mümkün olduğuna əmin edib. Ancaq müayinəni davam etdirmək və körpəni bahalı dərman asılılığından xilas edə biləcək müalicəyə qərar vermək üçün ailənin oğlunu Türkiyəyə aparması lazımdır. İlkin hesablamalara görə, səyahət və diaqnostika 7000 manata başa gələcək. Ümidin valideynləri üçün isə bu çox yüksək məbləğdir.
“Oğlum iki yaşında olanda sağ ombasında şiş yarandı. 2019-cu ilin noyabr ayında Milli Xərçəng Mərkəzinə diaqnostikaya göndərildik. Şiş markerləri üçün analizin nəticələri normadan yuxarı olduğunu göstərdi. Yanvar ayında Ümidin halı o qədər pisləşdi ki, artıq normal yeriyə bilmədi. Beləliklə ona, təcili şəkildə, şişi əzələ ilə birlikdə çıxarmaq əməliyyatı edildi. Şiş toxumasının histologiyası onun xoşxassəli olduğunu göstərdi. Xoşbəxtliyimizin həddi-hüdudu yox idi! Ancaq təəssüf ki, vaxtından əvvəl sevinmişdik.
Ümidin bütün limfa düyünləri sürətlə şişməyə başladı. Bizi başın və qarının MRT-sinə göndərdilər, amma həkimlər patoloji heç nə tapa bilmədilər. Bu arada onkoproblar normanı getdikcə üstələyirdi. Onkoloji mərkəzdə sadəcə çiyinlərini çəkdilər.
Yayda oğlumun hər yeri şişməyə başladı. Yadımdadır, otağa girib gördüklərimdən donub qalmışdım: onun sifəti o qədər şişmişdi ki, nə gözləri, nə ağzı, nə də burnu görünmürdü… Onu təcili yardım briqadası Bakıya apardı və orada tez bir zamanda “Kvinke ödemi” diaqnozu qoydular. Özəl klinikaya getdik və çox bacarıqlı bir həkimlə görüşdük. O, bizi əlavə müayinələr üçün göndərdi, onun nəticələrinə görə oğlunda immun çatışmazlığı xəstəliyi olan “Epşteyn-Barr” virusu olduğunu öyrəndik.
O vaxtdan Ümidin həyatı hər 21 gündən bir vurulan bahalı “Panziqa” dərmanından asılıdır.
Uca Allaha həmd olsun ki, türkiyəli həkimin qoyduğu diaqnoz sayəsində artıq oğlumuzun şəfa tapacağına ümidimiz var. Ancaq diaqnostikanı davam etdirmək üçün biz Türkiyəyə getməliyik, çünki Azərbaycanda yaxşı immunoloqlar yoxdur. İmmun çatışmazlığından əziyyət çəkən və Türkiyədə müalicə alan uşaqların valideynləri ilə danışdıq. Onlar öz təcrübələrini bölüşüblər ki, yol, yaşayış və diaqnostika üçün təxminən 7 min manata ehtiyac var.
Biz sadə bir ailəyik. Bizim üçün bu, böyük puldur. Mən evdar qadınam, oğluma baxıram. Ərim tikintidə işləyir, ayda 400-500 manat alır. Üstəlik kirayədə yaşayırıq”, – deyə uşağın anası kömək istəyib.
Redaksiya olaraq biganə qalmayan hər kəsi balaca Ümidə bacardıqları qədər kömək etməyə çağırırıq.
Arzu edənlər aşağıdakı bank kartlarına pul köçürməklə ailəyə hər cür köməklik göstərə bilərlər:
Rabitəbank: 5261 6333 3540 1098 (Habil Şahbazov)
Sberbank: 4279 3806 7570 7881
Əlaqə nömrəsi: 077 542 30 68.
Xeberal.az
