Bakının Nərimanov rayonunda istilik borusunun forması sosial şəbəkələrdə müzakirələrə səbəb olub.
Oxu.Az xəbər verir ki, rayonun Aşıq Alı küçəsində yerləşən, “Azəristiliktəchizat” ASC-yə məxsus borunun təhlükəli vəziyyətdə quraşdırılması tənqidlə qarşılanıb.
“Azəristiliktəchizat” ASC-nin İctimaiyyətlə əlaqələr xidmətinin rəhbəri Elvin Basqallı Oxu.Az-ın sorğusuna cavab olaraq bildirib ki, müzakirələrə səbəb olan qurğu, həqiqətən də, qurumun balansındadır:
“Fotoda əks olunan istilik borusu Sovet dövründə quraşdırılıb. Biz bunun ləğv edilməsini deyil, daha kiçik və yerin altı ilə keçən qurğu ilə əvəz edilməsini nəzərdə tuturuq. İstilik mövsümü başa çatandan sonra yenilənmə aparılacaq”.
Aysel Aslan
Xeberal.az
