Xocalı rayonunda yol-nəqliyyat hadisəsi olub.
Daxili İşlər Nazirliyinin Mətbuat Xidmətinin Gəncə regional qrupunun baş inspektoru, polis kapitanı Eşqin Qasımovun Oxu.Az-a verdiyi məlumata görə, Xocalı Rayon Polis Şöbəsinə rayonun Çanaqçı kəndi ərazisində yol-nəqliyyat hadisəsinin baş verməsi barədə məlumat daxil olub:
“Polis əməkdaşları dərhal hadisə yerinə gələrək müvafiq araşdırmalar aparıblar. Məlum olub ki, Astara rayon sakini, 1985-ci il təvəllüdlü Qılman Rəhimovun idarə etdiyi “Mercedes-Benz” markalı betontökən avtomobil idarəetmədən çıxaraq yol kənarındakı beton səthə çırpılıb, daha sonra aşıb.
Hadisə nəticəsində sürücü və sərnişini, Tovuz rayon sakini, 1994-cü il təvəllüdlü Şinasin Niyazov müxtəlif dərəcəli bədən xəsarətləri alıblar. Xəsarət alanlara ilkin tibbi yardım göstərilərək xəstəxanaya yerləşdiriliblər, ərazidə nəqliyyatın hərəkəti bərpa olunub. Faktla bağlı araşdırmalar davam etdirilir”.
Xeberal.az