“Hələ də qorxu içindəyəm”.
Bunu Oxu.Az-a açıqlamasında Türkiyədən təxliyə olunan Azərbaycan vətəndaşı Sevinc Məmmədova deyib.
Onun sözlərinə görə, Vətənə yenidən qayıdacağına inanmırmış:
“Qaziantepdən gəlirəm. İyirmi beş il idi ki, orada yaşayırdım. Orada elə bir şey oldu ki, hələ də gözümün qabağındadır. Bazar günü saat 5-in yarısı evdən çıxdıq və bir daha geri qayıtmadıq. Evimiz çatladı, hər an dağıla bilərdi. Ümid etmirdim ki, ana vətənimə sağ-salamat gələ bilim. Çox sevinirəm. Hələ də qorxu içindəyəm. Yaşadıqlarımızı heç vaxt unutmayacağıq”.
S.Məmmədova qonşularından dağıntı altında qalan olduğunu deyib:
“18 yaşlı qonşum qaçmaq istəyəndə dağıntı altında qaldı, başına uçdu. Orada qohumlarım yoxdur. Ailəm burada yaşayır. Şükürlər olsun ki, Vətənimə qayıtdım”.
Nəzrin Vahid
Xeberal.az
