Ötən gün Rusiya ordusunun Ukraynanın Donetsk vilayətinin Kramatorsk şəhərinə raket zərbələri nəticəsində üç mülki şəxs həlak olub, daha 20 nəfər yaralanıb.
“Report”un hadisə yerində olan Şərqi Avropa bürosunun əməkdaşı xəbər verir ki, Rusiyanın “İsgəndər-K” raketi ilə endirdiyi zərbələr azı səkkiz yaşayış binasına ziyan vurub, onlardan biri tamamilə dağılıb. Eyni zamanda, azərbaycanlı iş adamının da əmlakı zərər görüb.
İnsanların hələ də dağıntılar altında qaldıqları ehtimal olunur.
Dağılan evlərin sakinləri sığınacaqlara təxliyə olunublar.
Xeberal.az
