Yevlaxda mağazadan oğurluq edilib, hadisəni törətməkdə şübhəli bilinən keçmiş məhkum saxlanılıb.
“Report”un məlumatına görə, rayon ərazisindəki mağazaların birindən 1 530 manat pul və “KamAZ” markalı avtomobildən isə akkumulyator oğurlanıb.
Yevlax Rayon Polis Şöbəsi əməkdaşlarının keçirdikləri əməliyyat tədbiri nəticəsində hər iki oğurluğu törətməkdə şübhəli bilinən rayon sakini, əvvəllər məhkum olunmuş M.Yusifov saxlanılıb.
Faktla bağlı araşdırma aparılır.
Xeberal.az
