“Donuz qripi” mövsümü influenza (qrip) xəstəliyinin bir növü olduğu üçün buna görə xüsusi xəstəxananın ayrılmasına ehtiyac yoxdur”.
Bunu APA-ya açıqlamasında Tibbi Ərazi Bölmələrini İdarəetmə Birliyinin (TƏBİB) Strateji inkişaf departamentinin rəhbəri Yaqut Qarayeva deyib.
Onun sözlərinə görə, TƏBİB-in tabeliyində olan bütün xəstəxanaların müvafiq şöbələrində həmin xəstələrin istər ambulator, istərsə də stasionar müalicəsi aparılır.
“Bu qrip ilk dəfə deyil. Həmişə olub. Bu baxımdan ayrıca xəstəxana ayrılmasına ehtiyac yoxdur” – deyə Yaqut Qarayeva bildirib.
Qeyd edək ki, bir sıra ölkələrdə, o cümlədən Rusiya və Ermənistanda da donuz qripi virusu yayılıb. Səhiyyə Nazirliyindən isə bildirilib ki, Azərbaycanda bu virus hələ aşkarlanmayıb. Hazırda ölkədə yayılan mövsümi qrip və kəskin respirator virusdur.
Xeberal.az
