Masallı rayonunun Ərkivan qəsəbəsində “Toyota” markalı minik avtomobili ilə “KamAZ” markalı yük maşınının toqquşması nəticəsində bir nəfər yaralanıb.
Bu barədə Fövqəladə Hallar Nazirliyinin Mətbuat Xidməti məlumat yayıb.
Bildirilib ki, 1 nəfər nəqliyyat vasitəsində sıxılmış vəziyyətdə qalıb:
“Həyata keçirilən xilasetmə tədbirləri nəticəsində müxtəlif xəsarətlər almış şəxs zədələnmiş minik avtomobilindən çıxarılaraq təcili tibbi yardım briqadasına təhvil verilib”.
Xeberal.az