Bakının Suraxanı rayonunda piyadanın xəsarət alması ilə nəticələnən yol-nəqliyyat hadisəsi baş verib.
“Report”un məlumatına görə, Zığ yolu deyilən ərazidə yolu keçən 1968-ci il təvəllüdlü Nuriyev Mayis Yusif oğlunu avtomobil vurub.
Yaralı təcili tibbi yardım avtomobilinin köməkliyi ilə xəstəxanaya çatdırılıb.
Müayinə zamanı ona qapalı kəllə-beyin travması, müştərək travma və qabırğaların sınığı diaqnozları qoyulub.
Hadisənin təfərrüatı araşdırılır.
Xeberal.az
