Rəqqasə Fatimə Fətəliyeva televiziya proqramlarından birində ad gününə gəlməyən tanınmışların adını çəkib, giley-güzar edib.
Lent.az-ın məlumatına görə, Rəqqasə müğənni Nüşabə Ələsgərlini öz məclisində gözləsə də, onun gəlməməsinə məyus olub.
“Əslində mən belə şeylərdən inciyən, bəhsə-bəhs yaşayan insan deyiləm. Gülbahar Şükürlü məclisimə gəlmədi, amma bu gün mən onun ad gününə gedəcəm.
Hamının yaxşı və pis günündə yanında olan insanam və mənə Allah ömür verdikcə, belə olacam. 50 nəfər çağırmışdım, 120 nəfər gəlmişdi. Gələnlərin də canı sağ olsun”.
