Türkiyədə baş vermiş zəlzələdən sonra bir çox məşhurlar hadisə yerinə gedib.
Lent.az xəbər verir ki, onlardan biri də müğənni Mahsun Kırmızıgül idi. O, zəlzələdən ən çox zərər görmüş Adıyaman bölgəsindəki son vəziyyəti paylaşıb.
“Adıyamanlılar küçələrdə gecələyirlər. Minlərlə insan yaxınlarından hər hansı bir səs və xəbər gözləyirlər. Mən çox kədərli, emosional səhnələr çəkdiyimi düşünürdüm. Ancaq belə bir faciə ilə heç qarşılaşmamışdım. İnanın ki, mənə həyatımın ən ağır şilləsi vuruldu”, – deyə Kırmızıgül bildirib.
