“Rusiya Azərbaycan və Ermənistanın sərhədlərin delimitasiyası ilə bağlı bütün səylərini dəstəkləyir”.
Oxu.Az-ın məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə News.ru-nun sualını cavablandırarkən deyib.
O bildirib ki, Moskva Azərbaycan və Ermənistan arasında dövlət sərhədinin delimitasiyası ilə bağlı istisnasız olaraq bütün məsələlərin müstəsna olaraq siyasi diplomatik üsullarla tənzimlənməsinin tərəfdarıdır.
“Biz ondan çıxış edirik ki, sazişlər davamlı, balanslaşdırılmış və qarşılıqlı məqbul olmalıdır. Onlar regionda davamlı sülhə nail olmaq üçün əsas rolunu oynamalıdırlar. Biz Rusiya, Azərbaycan və Ermənistan liderləri arasında üçtərəfli razılaşmalar əsasında delimitasiya üzrə tərəflərə məsləhətçi yardımı davam etdirməyə hazır olduğumuzu təsdiq edirik”, – deyə XİN sözçüsü bildirib.
Xeberal.az
