Ötən il SOCAR üzrə 1 000 kubmetr qazın faktiki hasilat maya dəyəri 67,57 manat təşkil edib.
SOCAR-ın illik hesabatında verilən məlumata görə, ötən il şirkət üzrə qazın istehsal maya dəyəri 2021-ci ilin göstəricisi ilə müqayisədə 6,34 manat və ya 10,35% artıb.
Hesabata əsasən, şirkət üzrə qaz hasilatına çəkilən cəmi xərclərin tərkibində material xərclərinin xüsusi çəkisi – 2,5%, yanacaq xərcləri 0,3%, elektrik enerjisi xərci 0,4%, əmək haqqı – 12,4%, sosial sığorta fonduna ayırmalar – 2,8%, əsas vəsaitlərin amortizasiyası – 14,1%, əsas vəsaitlərin təmiri 4,9%, əsas vəsaitlərə texniki xidmət – 10,8%, nəqliyyat xərcləri – 12,4%, mühafizə xərcləri 2,0%, mədən vergisi – 19,1%, digər vergilər 4,5%, digər xidmətlər üzrə xərclər 11,9%, digər xərclər isə 2% təşkil edir.
Qeyd olunur ki, şirkət üzrə 1 000 kubmetr əmtəəlik qazın hasilat maya dəyəri 2021-ci illə müqayisədə 6,34 manat (10,35%) artıb.
Sənəddə bildirilir ki, SOCAR üzrə qazın hasilatına çəkilən xərclərlə yanaşı, “Azəriqaz” İstehsalat Birliyinin digər xərcləri, qazın emalı, saxlanması, nəqli, “Azərkontrakt” SC-dən alınmasına çəkilən xərclər nəzərə alınmaqla 2022-ci ildə SOCAR üzrə satılan 1 000 kubmetr qazın faktiki xərci 165 manat təşkil edib.
Qeyd edək ki, 2021-ci ildə bu göstərici 121,9 manat təşkil edib, bu da ötən ilin göstəricisi ilə müqayisədə 43,1 manat və ya 35,36% çoxdur.
Xeberal.az
