Fransanın paytaxtı Paris şəhərinin 15-ci rayonunda keçirilən Assosiasiyalar Forumunda Azərbaycanın stendinin qarşısında Paris merinin erməni əsilli köməkçisi təxribat törətməyə çalışıb.
“Report”un yerli bürosu bildirir ki, Paris merinin assosiasiyalar üzrə köməkçisi, erməni əsilli Anuş Toranyan bir nəfər fransalı həmkarının müşayiəti ilə Azərbaycanın stendinin qarşısında dava salıb və stendimizi dağıtmağa çalışıb.
O Fransa-Azərbaycan Dialoqu Assosiasiyasının üzvlərini təhqir edib, ölkəmizə dair nalayiq sözlər işlədib. Lakin təxribatın qarşısı alınıb.
Qeyd edək ki, Azərbaycan Fransanın paytaxtı Parisin 15-ci rayonunda keçirilən Assosiasiyalar Forumunda təmsil olunub. Azərbaycanı Fransa-Azərbaycan Dialoqu Assosiasiyası təmsil edib.
Xeberal.az
