İspaniyanın “Barselona” klubunun sabiq futbolçusu Jerar Pike başı telefona qarışdığı üçün təqribən iki metr hündürlükdəki səhnədən yıxılıb.
Hadisə Mexikoda keçirilən “Kings League Americas” media futbol turnirinin açılış mərasimində baş verib.
Məlumata görə, tədbir başa çatdıqdan sonra futbolçu avtoqrof vermək üçün azarkeşlərə tərəf yönəlib. Həmin vaxt onun başı telefona qarışdığı üçün səhnənin kənarına fikir verməyib və yıxılıb. Ancaq o, tezliklə ayağa qalxıb. Bundan sonra azarkeşləri ilə görüşüb və zalı tərk edib.
Sosial şəbəkələrdə baş verənlərin görüntüsü yayılıb.
Mənbə: Gazeta.ru
Xeberal.az
