Bu gün Xalq artisti Zabit Nəbizadənin doğum günüdür.
O, 1965-ci ildə Şamaxıda anadan olub.
Zabit Nəbizadə 1991-1995-ci illərdə A.Zeynallı adına Azərbaycan Dövlət Musiqi Texnikumunun “Solo oxuma” (xanəndəlik) şöbəsində, 1996-2000-ci illərdə isə Azərbaycan Dövlət Mədəniyyət və İncəsənət Universitetinin “Teatr kollektivinin rejissoru” fakültəsində təhsil alıb.
2000-ci ildən Bakı Musiqi Kollecində müəllim kimi fəaliyyət göstərən Zabit Nəbizadə 2003-cü ildən Azərbaycan Milli Konservatoriyasının muğam şöbəsində pedaqoq kimi çalışır.
Sənətçi dəfələrlə xarici ölkələrdə qastrol səfərlərində Azərbaycanı layiqincə təmsil edib. 2005-ci ildə “Əməkdar artist”, 2011-ci ildə isə “Xalq artisti” fəxri adına layiq görülüb.
Görkəmli xanəndəmizi təbrik edir, ona uzun ömür və cansağlığı arzulayırıq!
Xeberal.az
