“Bu il Azərbaycanda Rəqəmsal Sənəd Dövriyyəsi altsisteminə özəl qurumların inteqrasiyasına start veriləcək”.
“Report” xəbər verir ki, bunu Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin (İRİA) sədrinin müavini Rəşad Xalıqov İRİA-nın 2023-cü ilin yekunları və 2024-cü ilin hədəflərinə dair mətbuat konfransında deyib.
Onun sözlərinə görə, ilkin mərhələdə bankların sistemə inteqrasiyasına başlanacaq.
“İndiyə kimi 950 dövlət qurumu sistemə inteqrasiya olunub. İlin sonuna kimi altsistemin Rəqəmsal Hökumət Platforması ilə inteqrasiyası nəticəsində vətəndaş və dövlət qurumları arasında elektron sənəd mübadiləsinin təmin edilməsi hədəflənir”, – deyə R.Xalıqov qeyd edib.
Daha çox foto burada: PhotoStock.Az
Xeberal.az
