İqtisadiyyat

Azərbaycan banklarında dollarla sığorta olunmayan əmanətlərin qəbulunun səbəbləri açıqlanıb

Sharing is caring!


Hazırda beynəlxalq bazarlarda faiz dərəcələri yüksək olduğu üçün bəzi Azərbaycan bankları da dollarla qorunan əmanətlərin illik faiz dərəcəsindən yuxarı hədlərdə depozitlər qəbul edir.

Bu barədə “Report”a açıqlamasında Azərbaycan Banklar Assosiasiyasının İdarə Heyətinin sədri Zakir Nuriyev deyib.

“Bunun mühüm şəkildə yerləşdirilməsi həyata keçirilir. Lakin manatla bütün banklar birmənalı şəkildə yalnız sığorta olunan faiz dərəcəsi həddində əmanətlər qəbul edir. Hesab edirik ki, burada hansısa banklarda əlaqəli problem yaranmayacaq. Çünki ölkədə fəaliyyət göstərən hansısa bankın müflis olacağı planlaşdırılmır”, – deyə Z.Nuriyev bildirib.

Qeyd edək ki, Əmanətlərin Sığortalanması Fonduna (ƏSF) üzv banklarda qəbul edilən əmanətlər illik faiz dərəcəsi xarici valyuta üzrə 2,5% və milli valyuta üzrə 12% olmaqla 100 min manata qədər olan əmanətlər sığortalanır.

İllik faiz dərəcəsi 12%-dən (manatla) və 2,5%-dən (dollarla) yuxarı olan əmanətlər üzrə sığorta hadisəsi baş verdikdə (bank müflis olduqda, lisenziyası ləğv edildikdə) kompensasiya ödənilmir. Eyni zamanda, illik dərəcəsi 12%-dək (manatla) və ya 2,5%-dək (dollarla) olan, lakin məbləği 100 min manatdan çox olan əmanətlər üzrə 100 min manatadək kompensasiya ödənilir.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir