Bu ilin yanvar-sentyabr aylarında Azərbaycanda məhsul istehsalı və xidmət sahələrinə qoyulmuş investisiyaların məbləği ötən ilin eyni dövrünə nisbətən müvafiq olaraq 20,8% və 27,4% çox olub.
Bunu iqtisadiyyat naziri Mikayıl Cabbarov “X” sosial şəbəkəsindəki hesabında bildirib.
Xatırladaq ki, 9 ay ərzində ölkədə əsas kapitala 12 milyard 728,9 milyon manat və yaxud ötən ilin eyni dövrü ilə müqayisədə 21,3% çox vəsait yönəldilib. Son 1 ildə neft-qaz sektoruna investisiyalar 18,1%, qeyri-neft-qaz sektoruna investisiyalar isə 23,2% artıb.
Bu ilin yanvar-sentyabr aylarında əsas kapitala yönəlmiş #investisiya-ların real artım tempi ötən ilin eyni dövrünə nisbətən 21,3% olub. Bu müddətdə məhsul istehsalı və xidmət sahələrinə yönəlmiş investisiyaların həcmi müvafiq olaraq 20,8% və 27,4% artıb.#EconomyAz pic.twitter.com/bdP0KraPtF
— Mikayil Jabbarov (@MikayilJabbarov) October 25, 2023
Xeberal.az
