“Getdikcə daha çox böyük şirkət Orta Dəhlizə qoşulmağa çalışır və bu da layihəni daha da qazanclı və perspektivli edir”.
“Report” xəbər verir ki, bunu “Naval postgraduate school”un (ABŞ) professoru və Amerika Siyasi Elmlər Assosiasiyasının üzvü Brenda Şaffer Heydər Əliyevin anadan olmasının 100 illiyinə həsr olunan “Böyük Avrasiyanın geosiyasətinin formalaşması: keçmişdən bu günə və gələcəyə” mövzusunda beynəlxalq konfransda deyib.
O, həmçinin Cənub Qaz Dəhlizinin və Bakı-Tbilisi-Ceyhan (BTC) neft kəmərinin, xüsusilə Avropanın enerji təhlükəsizliyinin təmin olunmasındakı rolunu qeyd edib.
Onun sözlərinə görə, BTC neft kəməri əlavə ötürücülük qabiliyyəti ilə inşa edilib və böyük potensiala malikdir.
Xeberal.az
