“İşğaldan azad olunmuş ərazilərdə innovativ texnologiyaların tətbiqi əsas məqamdır”.
Oxu.Az xəbər verir ki, bunu Azərbaycan-İsrail İnnovasiya Forumunda iqtisadiyyat nazirinin müavini Sahib Məmmədov deyib.
Onun sözlərinə görə, Azərbaycan və İsrail arasındakı bu əməkdaşlıq təqdirəlayiqdir:
“Bu istiqamətdə qarşımıza qoyduğumuz hədəflər var. Əlimizdən gələni etməyə çalışacağıq. Azərbaycanla İsrail arasında mövcud olan ticarət dövriyyəsini artırmaq üçün potensial genişdir. Qarşımıza qoyulan səmərəli hədəflərə nail ola bilərik”.
O sonda qeyd edib ki, İsrail 44 gündə bizə siyasi dəstək göstərən dövlətlərdən biri idi:
“Buna görə, minnətdarıq”.
Nəzrin Vahid
Xeberal.az
