Minifutbol üzrə Azərbaycan milli komandası bu gün Slovakiyanın Koşitse şəhərində keçirilən Avropa çempionatında yarımfinal oyununa çıxacaq.
Oxu.Az xəbər verir ki, Elşad Quliyevin baş məşqçi olduğu komandamız finala çıxmaq üçün 1/4 finalda macarlara penaltilərdə qalib gəlmiş Qazaxıstanla üz-üzə gələcək. Qarşılaşma Bakı vaxtı ilə saat 20:30-da başlayacaq.
Cütün qalibi finalda Bolqarıstan – Rumıniya duelinin güclüsü ilə qarşılaşacaq. Bu matç isə Bakı vaxtı ilə saat 22:15-də baş tutacaq.
Xeberal.az
