Azərbaycan Basketbol Liqasında müntəzəm mövsümün sonuncu – XVIII turuna start verilib.
Oxu.Az-ın məlumatına görə, günün yeganə matçında “Sabah” və “Xəzri” komandaları üz-üzə gəliblər.
“Sərhədçi” İdman Mərkəzindəki qarşılaşma “Sabah”ın qələbəsi ilə bitib – 77:65.
Qələbə sayəsində xallarının sayını 33-ə çatdıran “Sabah” müntəzəm mövsümü birinci pillədə başa vuracaq. “Xəzri” hələlik 31 xalla ikincidir.
Qeyd edək ki, turun digər qarşılaşmaları aprelin 25-28-də gerçəkləşəcək.
Xeberal.az
