Azərbaycan Basketbol Liqasında XV tura yekun vurulub.
Bu barədə Azərbaycan Basketbol Federasiyası məlumat yayıb.
Bildirilib ki, sonuncu matç Şəkidə gerçəkləşib.
Şəhərin eyniadlı komandası “Sumqayıt”ı qəbul edib. Qarşılaşma qonaqların qələbəsi ilə bitib – 98:83.
Bu nəticədən sonra 20-ci xalını qazanan “gənclik şəhəri” təmsilçisi 7-ci sıradakı “Cəlilabad”a çatıb. “Şəki” 15 xalla sonuncudur.
Qeyd edək ki, XV turda “Neftçi” “Gəncə”ni (97:62), “NTD İndiqo” “Sərhədçi”ni (84:74), “Xəzri” “Xırdalan”ı (108:82), “Sabah” “Cəlilabad”ı (90:76) məğlub edib.
Xeberal.az
