UEFA Çempionlar Liqasında 1/8 final mərhələsi davam edir.
Bu gecə daha iki oyun baş tutub.
İtaliya “İnter”i Milanda İspaniya “Atletiko”sunu qəbul edib. Görüşdə hesab yalnız 79-cu dəqiqədə açılıb. “İnter”li Arnautoviç fərqlənib. Bu, matçda yeganə qol olub və meydan sahiblərinin minimal hesablı qələbəsi üçün kifayət edib – 1:0.
Digər görüşdə Dortmund “Borussiya”sı Niderlandda PSV-nin qonağı olub.
Oyunda hesabı qonaqlar açsalar da, ev sahibləri hesabı bərabərləşdirməyi bacarıblar. 24-cü dəqiqədə Malenin vurduğu topa 56-cı dəqiqədə de Yonq dəqiq penalti zərbəsilə cavab verib – 1:1.
Qeyd edək ki, komandalar arasında cavab oyunları martın 13-də keçiriləcək.
Xeberal.az
