İngiltərənin “Mançester Yunayted” klubu INEOS-un İdarə Heyətinin sədri ser Cim Retkliffin “United”in B sinifli səhmlərinin 25%-ni və A sinifli səhmlərinin 25%-ə qədərini alması ilə bağlı müqavilə bağlayıb.
Bu barədə “Mançester Yunayted”in öz rəsmi saytında məlumat dərc edib.
Həmçinin bildirilir ki, INEOS “Old Trafford”da gələcək investisiya üçün nəzərdə tutulmuş əlavə 270 milyon avro yatıracaq.
Sövdələşmə çərçivəsində INEOS klubun futbol əməliyyatlarının idarə edilməsi üçün məsuliyyətin ötürülməsi ilə bağlı idarə heyətinin xahişi ilə razılaşıb. Buraya kişi və qadın futbolunun və akademiyalarının fəaliyyətinin bütün aspektləri, həmçinin “Mançester Yunayted” PLC idarə heyətində və “Mançester Yunayted” futbol klubunun idarə heyətində iki yer daxildir.
Hazırda “Mançester Yunayted” 2023-2024 mövsümü üçün İngiltərə Premyer Liqasının turnir cədvəlində yeddinci yerdədir. Komanda 17 görüşdə 28 xal toplayıb.
Xeberal.az
