UEFA Çempionlar Liqasında qrup mərhələsinin son turuna start verilib.
Oxu.Az xəbər verir ki, artıq başa çatan iki qarşılaşma ilə B qruplarında mübarizəyə yekun vurulub.
“Arsenal” səfərdə PSV ilə minimal hesablı heç-heçə edib – 1:1. “Lans” isə öz meydanında “Sevilya”ya qalib gəlib – 2:1.
Bu nəticələrdən sonra B qrupunda “Arsenal” 13, PSV 9, “Lans” 8, “Sevilya” isə 2 xal toplayıb.
Beləliklə də, öncəki turdan növbəti mərhələyə keçidini təmin edən “topçular” PSV ilə birlikdə Çempionlar Liqasının 1/8 finalına adlarını rəsmən yazdırıblar.
Xeberal.az