“Qarabağ”ın futbolçusu Kevin Medina əməliyyat olunub.
Bu barədə “Report”a Ağdam klubunun Mətbuat Xidmətinin rəhbəri Anar Hacıyev məlumat verib.
Klub rəsmisinin sözlərinə görə, sağ bud tendon vətəri qopan kolumbiyalı müdafiəçi bu gün Finlandiyada əməliyyat olunub. 30 yaşlı oyunçunun təxminən üç ay yaşıl meydanlardan kənarda qalacağı gözlənilir.
Qeyd edək ki, Kevin Medina UEFA Avropa Liqasının qrup mərhələsinin V turunda Norveçdə “Molde” ilə keçirilən oyunun (2:2) ikinci hissəsində zədələnərək əvəzlənmişdi.
Xeberal.az
