Bu gün Bakıda hərbçilər arasında keçirilən güləş üzrə 36-cı dünya çempionatı başa çatacaq.
“Report”un məlumatına görə, “Sərhədçi” İdman Mərkəzindəki yarışın sonuncu günündə Azərbaycanın beş yunan-Roma güləşçisi mübarizə aparacaq.
Nihad Quluzadə (60 kq), Həsən Məmmədli (67 kq), Qurban Qurbanov (77 kq), Laçın Vəliyev (87 kq) və Sərxan Məmmədov (130 kq) xalça üzərinə çıxacaqlar.
Qeyd edək ki, Azərbaycan idmançıları daha əvvəl 10 qızıl, iki gümüş və 6 bürünc medal qazanıblar.
Xeberal.az
