“Millimiz son oyunlarda olduğu kimi, inamlı oynasa, inanıram ki, nəticə qazana biləcəyik”.
Bu sözləri Azərbaycan milli komandasının sabiq forvardı Nadir Nəbiyev “Apasport”a açıqlamasında deyib.
Yığma komandamızın keçmiş hücumçusu millinin AVRO-2024-ün seçmə mərhələsinin qarşıdakı iki görüşündən gözləntilərini bildirib:
“İlk dəqiqələrdən oyuna yaxşı başlaya bilsək, müdafiədə etibarlı oynasaq, inanıram ki, rəqibi cəzalandıra biləcəyik. Heyətə cəlb edilən futbolçulara gəlincə, ola bilər məşqçi rəqibə uyğun futbolçuları milli komandaya dəvət edib. Seçim etməyə elə çox imkanı yoxdur”.
Nəbiyevin fikrincə, millinin qapı xəttində dəyişiklik olmayacaq:
“Məncə, baş məşqçi qapını Şahruddin Məhəmmədəliyevə etibar edəcək. Klubunda oynamasa belə, onun təcrübəsinə inanacaq”.
O, Canni De Byazinin millidə qalıb-qalmaması barədə fikrini də bildirib:
“Böyük ehtimal, milli komandanın qalan matçlardakı nəticələrindən asılı olmayaraq, məşqçi ilə yeni müqavilə bağlanmayacaq. Yəni bu mənim şəxsi fikrimdir. Necə olacağını zaman göstərəcək”.
Sonda isə o, “Sizcə, nəyə görə “Turan Tovuz”dan “Toqo və Moldova millisinə oyunçu cəlb edilir, Azərbaycan millisinə yox?” sualına belə cavab verib:
“Turan Tovuz”da milli komandaya layiq futbolçular var. Ümid edirəm ki, bizim komandadan da milli komandaya dəvət olunan futbolçular görəcəyik”.
Xeberal.az
