Azərbaycan idmançıları Gürcüstanın paytaxtı Tbilisidə keçirilən universal döyüşün güləş versiyası üzrə dünya çempionatında 17 medal qazanıblar.
“Report” xəbər verir ki, 35 ölkə təmsilçilərinin qatıldığı yarışda 28 idmançımız mübarizə aparıb.
Universal Döyüş Federasiyasının prezidenti Azər Həsənovun rəhbərlik etdiyi komandalar yeniyetmələr, gənclər və böyüklər arasında güclərini sınayıblar. Yeniyetmələr bir qızıl, üç gümüş, iki bürünc, gənclər iki qızıl, bir gümüş, iki bürünc, böyüklər isə bir qızıl, iki gümüş, üç bürünc medal ilə Vətənə qayıdıblar.
Xeberal.az
