UEFA Avropa Liqasının qrup mərhələsinin II turunda İsveçdə “Hakken”lə üz-üzə gələcək “Qarabağ” azarkeşlərə müraciət edib.
Klubdan verilən məlumata görə, komandanı tribunadan dəstəkləmək istəyən fanatlar biletləri oyun günü yerli vaxtla saat 19:00-dan etibarən qarşılaşmanın keçiriləcəyi “Ullevi” stadionunda 8-ci qapının qarşısından ala bilərlər.
Tərəfdarlardan şəxsiyyəti təsdiq edən sənədi özləri ilə götürmələri tələb olunub. Biletlərin qiyməti 22 avrodur.
Qeyd edək ki, oktyabrın 5-də oynanılacaq “Hakken” – “Qarabağ” görüşü Bakı vaxtı ilə saat 23:00-da başlayacaq.
Xeberal.az
