Futbol üzrə Azərbaycan Premyer Liqasında III tura start verilib.
Oxu.Az xəbər verir ki, açılış oyununda “Kəpəz” “Turan Tovuz”u qəbul edib.
Qərb derbisi qonaqların qələbəsi ilə başa çatıb – 2:0.
Hesabı 18-ci dəqiqədə Martin Petkov açıb. Üç dəqiqə sonra Belajdi Pusi ikinci dəfə gəncəlilərin qapısının torunu silkələyib. Qalan vaxt ərzində qapılara top vurulmayıb.
Bu qələbə sayəsində xallarını altıya yüksəldən “Turan Tovuz” birinci pillədə “Zirə”yə şərik olub. “Kəpəz” isə üç xalla yeddincidir.
Faiq Tahirov
Xeberal.az