UEFA Avropa Konfrans Liqasının II təsnifat mərhələsində keçiriləcək “Neftçi” – “Jelezniçar” (Bosniya və Herseqovina) matçında maraq böyükdür.
Oxu.Az xəbər verir ki, “Bakcell Arena”da keçiriləcək görüş üçün satışa çıxarılan səkkiz min biletin artıq yarısı – dörd mini sahibini tapıb. Oyun gününə qədər bütün biletlərin satılacağı gözlənilir.
“Neftçi”nin səfər oyununun son dəqiqələrində vurduğu qolla 2:2 heç-heçə etməsi komandanın şanslarını artırıb. Bu, azarkeşlərin cavab oyunu öncəsi daha da ümidlənmələrinə səbəb olub.
Qeyd edək ki, avqustun 3-də keçiriləcək “Neftçi” – “Jelezniçar” qarşılaşması saat 21:00-da start götürəcək.
Faiq Tahirov
Xeberal.az
