İyulun 26-dan avqustun 3-dək Rumıniyanın paytaxtı Buxarestdə yaşı 20 və 23-ə qədər olan gənclər arasında ağır atletika üzrə Avropa birinciliyi keçiriləcək.
Azərbaycan Ağır Atletika Federasiyasından verilən məlumata görə, yarışda 34 ölkədən 450 atlet (204 qadın və 246 kişi) iştirak edəcək.
Medallar uğrunda Azərbaycan yığma komandasının üzvləri də mübarizə aparacaqlar. 20 yaşadək qadınlar arasında 87 kq çəkidə Rahilə Hüseynzadə (87 kq), 20 yaşadək kişilər arasında 109 kq-da Əli Şükürlü və 23 yaşadək kişilər arasında 55 kq-da Əvəz Tağıyev, 73 kq-da Ömər Cavadov və 81 kq-da Füqan Əliyev yarışacaqlar.
Xeberal.az
