Çempionlar Liqasında I təsnifat mərhələsinin cavab oyunlarından sonra UEFA-nın turnir cədvəli yenilənib.
Oxu.Az xəbər verir ki, Azərbaycanın xalı artıb.
Bu, “Qarabağ”ın Bakıda Cəbəllüttariqin “Linkoln” klubuna qalib gəlməsi sayəsində reallaşıb. 4:0 hesablı qələbə ölkəmizin aktivinə daha 0,250 xalın əlavə edilməsi ilə nəticələnib. “Qarabağ” ilk görüşdə də qalib gəlib (2:1) bu qədər xal qazandığından Azərbaycanın mövsüm üçün ümumi qazancı 0,500-ə çatıb.
Lakin bu, irəliləyiş üçün kifayət etməyib. Son beş mövsümün nəticələrinə əsasən, Azərbaycanın aktivində 14,750 xal var və 29-cudur. 30-cu Moldova 11,625, 28-ci Slovakiya 15,500 xala sahibdir.
Faiq Tahirov
Xeberal.az
