“Yarış çox yaxşı keçdi. Yüksək səviyyədə hazırlaşmışdıq. Altı rəqibimi üstələyib çempion oldum”.
Bu sözləri Oxu.Az-a açıqlamasında Azərbaycanın yeniyetmə ağırlıqqaldıranı Hüseyn Heydərov Moldovanın paytaxtı Kişineuda keçirilən Avropa birinciliyindəki çıxışı barədə danışarkən deyib.
Üç qızıl qazanan ağır atlet gələcək hədəfləri barədə danışıb: “Hədəfim dünya və Olimpiya çempionu olmaqdır. Qarşıdakı yarışlara hazırlaşacağam. Özümü daha da inkişaf etdirib, idmanda təsdiqləməliyəm”.
Qeyd edək ki, Azərbycan millisi Avropa birinciliyini 14 medalla (8 qızıl, 4 gümüş və 2 bürünc) başa vurub.
Xeberal.az
