Final mərhələsi 2024-cü ildə keçiriləcək futzal üzrə dünya çempionatının elit-raundunun püşkü atılıb.
Federasiyadan verilən məlumata görə, A qrupunda yer alan Azərbaycan millisi Qazaxıstan, Rumıniya və Niderland komandaları ilə qarşılaşacaq.
Bu mərhələnin oyunları dekabrın 20-dək yekunlaşacaq. Yığma elit-raunda səfər oyunu ilə başlayacaq və yekun nöqtəni də rəqib zalında qoyacaq.
A qrupu: Qazaxıstan, Rumıniya, Azərbaycan, Niderland
B qrupu: Ukrayna, Polşa, Serbiya, Belçika
C qrupu: Xorvatiya, Slovakiya, Fransa, Almaniya
D qrupu: İspaniya, İtaliya, Sloveniya, Çexiya
E qrupu: Portuqaliya, Gürcüstan, Ermənistan, Finlandiya
Elit-raundda oyunlar 3 ay ərzində baş tutacaq. Tarixlər bu şəkildə müəyyənləşdirilib:
11-20 sentyabr
2-11 oktyabr
11-20 dekabr
Sentyabr
Rumıniya – Azərbaycan
Azərbaycan – Niderland
Oktyabr
Azərbaycan – Qazaxıstan
Qazaxıstan – Azərbaycan
Dekabr
Azərbaycan – Rumıniya
Niderland – Azərbaycan
Qeyd edək ki, Avropa zonasına 7 yer ayrıldığına görə, qrup qalibləri (5 komanda) final mərhələsinə birbaşa vəsiqə qazanacaq. Ən yaxşı göstəriciyə malik 4 “ikinci” pley-off oyunlarında iştirak edəcək və qalib gələn 2 milli də final mərhələsində gücünü sınayacaq.
Xeberal.az
