Azərbaycan millisi Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol Turnirində növbəti oyununu keçirib.
Oxu.Az xəbər verir ki, yığma A qrupundakı 3-cü sınağında Gürcüstanla qarşılaşıb.
Bakı Tennis Akademiyasında baş tutan qarşılaşma Azərbaycanın 2:0 hesablı qələbəsi ilə başa çatıb.
Milli komanda bu nəticədən sonra 7 xalla Serbiya ilə birlikdə liderliyi bölüşür. 3 xalı olan Gürcüstan isə 4-cü sırada qalıb.
Qeyd edək ki, qrup birinciləri yarımfinala vəsiqə qazanacaqlar. 2-3-cü yerləri tutacaq komandalar isə pley-offda üz-üzə gələcəklər.
Xeberal.az